|
الحظ الضائع عبدالرحمن المحمدي |
| باسم الله أبدى كلامي بتعبير وأكتب رسالة بها أشواق مهداه من شط جده تأخذ الجو وتطير وفي ظرف ساعة بالمدينة مثناه تلفي على اللي ما يهاب المخاسير النشمي اللي مع هل الطيب ذكراه تلقاه دايم خاطره للمسايير والضيف والجيران ومن لفى حماه وجه بشوش مكحله بالتباشير يعطي ولا يسأل عن ردود حسناه الشاعر اللي يصخر القاف تصخير وعنده من المعاني قصور مبناه أبو عبدالله تمنحه كل تقدير تقول السلام من أهل جده حملناه على الجماعة كلهم دون تأخير أنت تمون وعارف القصد ومناه وإن كان تسأل نحمد الله في خير وما كل وما كل حبلٍ يا لحويفي ورد ماه الآدمي ماله مع الحظ تدبير يروم شي وحكمة الله تقداه وإن كان عندك للأحلام تفسير قلي وعلمني عن العبد وش جاه عكر مزاجي يا فتى الجود تعكير ولا بان بالشاشة لو رسوم حلياه دورت له وأكثرت معي الدواوير حتى البحر نقبت في داخل احشاه زرت الدول وأكثرت له بالمشاوير أوربا مع أمريكا وما ورى الهند طفناه قالوا ترى هالبحث مافيه تأثير مع واحدٍ بالكون ما قط شفناه أنكفت يوم أزريت ثم قلت ما يصير اطرد ورى مفقود ما اضني القاه عسى الله يكتب لي سلامه وتيسير أنا ومن يسمع كلامي ويقراه تمت وصلوا عدد ساير يسير على نبي كلمة الحق دعواه
ورد الشاعر نشمي عبدالله الحويفي بهذه الابيات
ترحيب أحلى من حليب المصاغير وعداد ما ساق السحاب ونثر ماه باللي لفى ببوينق ما هو بكون فير على مندوب المناعير يقراه هذا الغرام ودق جاشي لهن زير وأبديت ما كنيت بالصدر واخفاه جني على حسن المنادي طوابير وقالن تخير واعزل الزين وانقاه قلت الخيار يحير الفكر تحيير صعب الخيار بطيب المال وأغلاه عبدالرحمن محكم القاف ويشير وفهمت من كثر التمعن لمعناه مغدي ذهيبه بين ورد ومصادير ويقول يمكن فاقد الشي يلقاه وعلى طريق ألمرجله واصل السير وتعبت ورى كسب الغنايم مطاياه ورزقه على منشيْ المزون المزابير اللي حمى موسى عن الشرك وانجاه وثق حبالك بالولي واطلب الخير ورزقك ورزقك على اللي خزونه مملاه وعبدك لقيته منسدح بوسط البير تمر من عنده العباد وتعداه قلت اقتعد خل الكسل ياطميهير لازم تشد الحيل والماضي انساه صاحبك عبر ماضي العمر تعبير وأنت السبب في ما حصل له وجاه صبره عليك يفجر الصدر تفجير يدري يدري خوي العين ويدور رضاه ركض وراك بكل حكمه وتفكير وسرى بظلام وبذه الليل وسراه قم وأعتذر بالحيل له دون تأخير وشعشع وباره في طريقه وممشاه رأيي وأكرر صامل العلم تكرير والى نصحك إنسان خذ بطيب ارياه طق الغبار وخلها بالتياسير وعس المريض يعجل الله بشفاه تمت وصلوا عدد وبل الشخاتير على النبي والقاف تم وختمناه |
| رجوع |